جِلنار – سلام أبو شالة

جِلنار – سلام أبو شالة

سلام أبو شالة

وِحْياةْ اللّي لوَّن هالسَما

و خَرْبَط لِبساتين بالمَيّ

قام عِرْس لعصافير

لَمَن رَوَّدولِكْ

وِحْياة ضَوْ الليل

وِلِخْمَيْسه المجنونِه

من إيديكِ

شابْ ريش لِغراب

لَمَّنْ شافِكْ

وزَلغطولِكْ

عِرسِكْ

من وادي بو نِجِم

للمَعْصَرَه

والدَرِبْ رَيْحانْ

يا قلبي

والنِجِم فَرحانْ

فيكِ

يا بنتْ حلوِّه

مِنْ شَعْرِك

خطف سِنيِّر شالو

وِعليك إلتفَتْ

لَمَنْ عَيَّطولِك.

 

 

  • Social Links:

Leave a Reply