الدواء الافرنجي ــ الخال أبو رفعت – كفرنبل

الدواء الافرنجي ــ الخال أبو رفعت – كفرنبل

 

مرة مرضنا أنا وخالتكن أم رفعت أنا وجعني صدري وحلقي وهي وجعتها معدتها والله رحنا على الدكتور قام فحصنا وعطاني راشيتين دوا إلي وحدة ولأم رفعت وحدة بعد ماطلعنا من عند الدكتور قلتلها لكى روحي عالبيت وأنا رايح جيب الدوا والله رحت جبت الدوا ورجعت عالبيت قلت لأم رفعت هاد كيس الدوا إلك وهاد الكيس إلي وفتت عالحمام أتوضى وبعدها صرنا ناخد الدوا سوا بعد إسبوع أم رفعت طابت وصارت متل عنتر وأنا كل مالي لورا كان صدري عبجعني صار ضهري وبطني وجريي قلتها أنو عجب أنت طبتي وأنا تبهدلت قالتي والله من الأول عرفاني أنك بدك تجيب لحالك دوا غالي وأصلي وأنا بدك تجبلي دوا رخيص مهو أصلي قمت بدلت الدوا بيني وبينك ولتعرف الله مابحب الظلم كنت بدك تموتني .

ياشباب ليكون حدا بدلنا الحلفاء بينا وبين والنظام أول الثورة متل ماأم رفعت بدلتلي الدوا و لازم حزب الله و روسيا وإيران يكونوا معنا والسعودية وتركيا وقطر مع النظام .

أنا عبقول ليش هيك صار فينا وكل مالنا لورى

  • Social Links:

Leave a Reply