يخزي العين ــ الخال أبو رفعت – كفرنبل

يخزي العين ــ الخال أبو رفعت – كفرنبل

 

عبتسألني خالتكن أم رفعت عجب مابشوف بشار إلا داير من مطرح لمطرح وبصلّي وين مابدو ونحنا عجب ماعنا رئيس يعمل متلو ..؟؟

قلتلها ولك آآخ أنتي هضيلة متل بشار وجماعتو ومابتعرفي في الأمور التكتيكية . ولك نحنا عنا رؤساء ليوم الرؤساء . عنا رئيس للإئتلاف ورئيس للنصرة ورئيس للأحرار ورئيس للفيلق ورئيس لجيش الإسلام وبجي أربع خمس رؤساء للجيش الحر وأربع خمس رؤساء إحتياط ماحدا بيعرفهن إخوان وماإخوان ومن هالدربش . هود نحنا الشعب منحطهن في رموش عيونّا ومامنخلي الضو يشوفهن لأن مالقيناهن لحتى تنفصت عنينا . والله ماأحلانا نطالعهن يدوروا من مطرح لمطرح ويلحقوا هالشغلات الفاضي ويجي حدا يقتلهن ونقعد من غير رئيس ونسوح في الشوارع .

بشار وجماعتو مابيحسبوا لقدام ولا خطوة بكرا حدا بيقتلو بيقعدوا عالأرض وخلي هالصلاة وهالدوارة إبقى تنفعهن . . . .

  • Social Links:

Leave a Reply