معنى الدعارة في سوريا الاسد برأي مؤيد للنظام

معنى الدعارة في سوريا الاسد برأي مؤيد للنظام

💃💃 الدعارة مو كم شب وبنت عم يركبوا بعض بالمرجة … مو بنتين عم يصطادوا الزباين بالسبع بحرات …. مو شب ادمن المخدرات …
هاي مو دعارة
هاي موجودة بكل المجتمعات العربية والغربية
هاد مو انحطاط أخلاقي
هاد أعلى درجات الأخلاق والرقي
لك اي اي عم حاكيك لا تتطلع فيني
هدول ما اذوا حدا ولا جوعوا حدا
الدعارة الحقيقية يا أبو أخلاق
الدعارة هي قطع الكهربا عنك ست سبع ساعات
الدعارة هي أنك توقف متل الكلب تسع ساعات ع طابور الغاز
الدعارة هي انو واحد مليونير عم يبيع وطنيات لواحد فقير لأنو لابس قميص من البالة التركية .. ويعلم الله هالمسكين لا بيعرف انو تركي ولا شي …
الدعارة انو كل سنة بيوعدوك بأنو الشتوية الجاية راح تكون خالية من الازمات وفجأة بتلاقي حالك رجعت متل الكلب توقف ع طوابير المازوت لتتدفا …
الدعارة مو بشبكة تعريص بالمرجة … الدعارة بطفل مشرد نايم ع أرصفة المرجة ….
الدعارة أنك لما تكتب هالكلام يجوا ويتهموك بوهن عزيمة الأمة والنيل من هيبة الدولة
الدعارة أنو شباب صارلا سنين احتياط وابن فلان مقضيها عربدة بسيارتو وفضى تلات مخازن كلاشنيكوف براس السنة …
الدعارة لما تبكي من رسائل المحتاجين وعوائل المخطوفين وعوائل الشهداء والجرحى …
الدعارة هي انك تحس بالغربة وانت بوطنك، الدعارة لما تكتب هيك يجي عرصا مو معروفة قرعة أبوه من وين يكتب فيك تقرير ويمسحك من الوجود ….
ولسه بيتمسخروا ع شابين تجوزوا بعض مدري وين !!!
ولسه بيتمسخروا ع زبالة لبنان !!!
ولسه بيتمسخروا ع دول الخليج وعاداتن !!!
بحضي
الدعارة انو اكبر مدينة بسوريا واقدم مدينة بالعالم تتعامل متل اي ضيعة صغيرة،
الدعارة انو كل ما قلبت ع التلفزيون يصيبك مغص من شوية ناس تبيض علينا بالوطنية وحب الوطن وهنن سرقوا وتاجروا بالوطن وعملوا مليارات،
الدعارة انو المسئولين بهل البلد لا بيشتغلوا ولا بخلوك تشتغل مشان البلد (بخافوا تستلم محلهن)
الدعار انو يلقطوا شبكة دعارة كبيرة ومتورط فيها مسؤلين وفنانين وزوجات لمسئولين سابقين وتتلفلف القصة وتطق برقبة بنت او مره درويشة كان الكبار يمارسو عهرهم عليها،
الدعارة ان المسؤلين الكبار اول ما بيستلموا منصب بقلّعوا كل الكويسين والفهمانين مشان ما يكونوا بدلاء عنهن وبيعتمدوا ع الاغبياء على مبدأ:
((تافه يمكن الاستفادة منه))
وكاسك يا وطن 🥃منقول من مواطن عايف حاله

  • Social Links:

Leave a Reply