(شوية فساد)  (قصة قصيرة) عمران كيالي

(شوية فساد) (قصة قصيرة) عمران كيالي

 

فاسد (1) : إي شباب، باقي عنا في المستودعات 200 ألف مولدة صغيرة، و خمسين ألف مولدة كبيرة، صار ضروري نحركهم …

السكرتير : شغلتك محلولة، نتصل بوزير الكهربا، نقلو يزيد القطع ساعة باليوم …

فاسد (2) : بخصوص الماء ؟…

السكرتير : حكينا مع داعش، و قطعوها …

فاسد (3) : بخصوص الناس الذين لم يتركو بيوتهم ؟…

الأمين العام للفساد : أنا شقد عشت؟ ما عدا على رأسي هيك معاليق و لزقات، إنو كل هالمجازر، و كل القصف المدفعي، و القناصين المزروعين هون و هون، و جبنا أكتر من عشرين منظمة إرهابية و تكفيرية من برا، غير إللي جوا، و أدخلنا التحالف الأمريكاني، و جبنا الروس، و عفشنا الأحياء الخربانة، و طيارات عم تقصف صواريخ حرارية و فوسفورية و عنقودية من كل القياسات و الجنسيات، و استعملنا الكيميائي و الفيزيائي، و لعبنا بالجغرافيا و التاريخ، و رفعنا الأسعار حتى وصلت للسما، كل هادا و لسا نص الناس متمسكة بالوطن، باركه، و ما عم تخلع …

المستشار الأول للفساد : طول بالك يا معلم، محلولة بإذن الله، ارفعو الأسعار كمان و كمان، و احرموهم من الماء و الكهرباء و الغاز و المازوت، رح يطفشو قريبا، هاي إذا ما ماتو من الجوع و البرد …

فاسد (4) و ابن حرام : المواطن الجيد هو المواطن الميت أو النازح …

  • Social Links:

Leave a Reply