على حاجز النظام …

على حاجز النظام …

رؤى عبد الصمد
الأب : ابني سامي ، هلق بدنا ندخل على حاجز النظام ، إياك تحكي على بشار هيك و لا هيك ، تقول اجدب ..تقول مجرم تقول خاين بقطع لسانك ..
سامي : طيب شو لكن بدي احكي عنه ؟
الأب : بسيطة كتير ، إذا سالك الحاجز شو رايك ببشار الاسد قلهم ، بشار الاسد تماما” متل ما حكى عنه احمد حسون ..إياك ثم إياك تجيب من عندك كلمة هيك و لا هيك ، مهما حاولوا يقرروك ما بتقول إلا انه متل ما قال عنه أحمد حسون
سامي : اوكي بابا
………
عند الحاجز ..
الضابط : انتي ولك ، يا ولد يا فصعون شو رأيك بسيادة الرئيس بشار الاسد ؟
سامي : بشار الاسد تماما” متل ما حكى عنه احمد حسون
الضابط : إي بس ممكن تشرحلي ، يعني كويس و لا مو كويس ؟ قائد تاريخي و لا مو تاريخي؟ مقاوم ممانع و لا لأ ؟
سامي : قلتلك و ما رح اعيد ، هو متل ما حكى عنه احمد حسون تماما”
الضابط : طيب عطيني فكرة عن رايك فيه ، قتل مثلا” هوي اطفال ابرياء شي ؟ هجر سكان سورية شي ؟ باع سورية لشي حدا ؟ عطيني رايك انتي ؟
سامي : سيادة الضابط ، فيك تستمع لخطب احمد حسون و اقواله عبر اليوتيوب و بتعرف كل شي ، ما هي شغلة صعبة ، و انا بقلك انو بشار الاسد متل مقال عنه احمد حسون
الضابط : طيب اوكي بس ممكن تعطيني رأيك باحمد حسون
سامي : إي طبعا” ، احمد حسون كذاب منافق ، بعمره ما حكى كلمة حق و صدق ، كلب حقه فرنكين !!

  • Social Links:

Leave a Reply