(دبانة )

(دبانة )

رؤى عبد الصمد
-بابا وقف لا تتحرك ، في دبانة على راسك ، استنى اوعا تتحرك ، رايح اجيب البوط و اقتلها ..
-لك شو بوط ، حدا بيقتل الدبانة ببوط !!
-طيب لاجيب الشحاطة معناها
-لك شو بوط شو شحاطة شو ضراب السخن ، مو عيب عليك بهدول بدك تضربني و على راسي !
-أو آسف بابا ، طيب انتظرني لا تتحرك ، رح انزل لتحت بسرعة و اجيب عصاية
-لك شو عصاية ، انتي ناوي تشوهني ؟!!
-طيب احترت معك بشو بدي اقتلها ؟!
-لك ترقى شوي ، صرت بالمانيا و لسا عبتفكر تقتل الدبانة بشحاطة و لا بعصاي ، تحرك جيب من جوا لطاشة الدبان ..
بسرعة يلله تحرك قبل ما تطير الدبانة ..
-اوه ، شلون ما خطرت على بالي ها الفكرة من اول ..يلله بابا لا تتحرك ..جاي بسرعة ..
………….
و انا من كل عقلي مبسمر بارضي ما عبتحرك خايف الدبانة تطير
……….
اضحكوا ..هيك صار فينا نحنا السوريين ، منشان دبانة واقفة على راسنا ما عاد قدامنا غير هادا الحل ، إما يقتلوها بشي شاكوشة بو لا ببورية و لا بشي عصاي ..ما في حل قدامنا و إلا بدها تطير الدبانة ..عليكم ان تختاروا ..إما الاسد او البغدادي ..او ابو محمد الجولاني ..
وقف عندك ..لا تتحرك ..و استنا يا وطن

  • Social Links:

Leave a Reply