رحلت مي السكاف – جهاد فياض

رحلت مي السكاف – جهاد فياض

رحلت مي السكاف

كتب جهاد فياض ..

كانت طول عمرها توقف بالمكان يلي ما حدا بيقدر يوقف فيه ..

كان صوتها عالي على مدراء الانتاج والمنتجين ..

كانت باستراحة التصوير تاكول مع عمال الديكور والكومبارس والفنيين ..
كانت ما تحب طاولات النجوم والمخرجين ..
مي من مدرسة بعيدة كتير عن تمسيح الجوخ والتملق ..
مي ما قالت لحدا معلم..
مي لما كانت بدها تحترم حدا تقول أستاذ ..
ولما بدها تسخر من حدا تقول أستاذ..
مي كانت وفية جداً وقريبة من الكل..
كانت .. أم للجميع قبل ما تكون أم لابنها ..
وكانت أخت. يعتمد عليها للجميع.. مو بس لأختها…
مي .. انحازت للفقير وانحازت للمعترين ..
مي وقفت مع سوريا العظيمة ..
سوريا العظيمة يل سرقتلها بيتها ..
سوريا العظيمة يلي ولادها العظماء كل ما يشوفوها بالشارع يسمعوها أبشع الكلمات ..
ولماكانت ترجع عبيتها تفتح اللابتوب تلاقي يلي ماشافوها بالشارع ..كاتبين الشتائم على صفحتها ..
مي لما كانت بالأردن ..ما تركت المعترين وصار صوتها عالي عالسياسيين الحرمية يلي عايشين برفاهية على حساب الناس ..
مي لما راحت عفرنسا صارت تمثل. بالشارع لتوصل صوت عذاب الناس المعترة الفقيرة ..
بزمن البوتوكس وعمليات التجميل وممثلين رأس المال الأسود ..
رح تنسحب مي ..
بزمن صرنا كلنا منعرف إنّو الموت أوالمذلة صاروا متلازمة سورية .. أكيد رح تختار الموت ..
((خسرناك يا غالية يا حنونة حملناك فوق طاقتك.. كنت اشجع وحدة فينا واصدق وحدة فينا ))

  • Social Links:

Leave a Reply