يوميات دمشق
سمعت انو رخص السكر! فتلت السوق من اولو لأخره عم تدور عكيلو سكر رخيص..اغلى سعر ١٣٠٠..آخر دكان قلها بالف ومية..قالتلو بالف مشان طالع أجرة السرفيس..قلها اذا معك كيس بعطيكِ ياه بألف..ضحكت وقالتلو لو بدي حطو بجزداني ما بخسرك كيس..مشترية علبتين دوا ..حطتن بالجزدان وعبالها السكرات بالكيس..ناولتو الالف وطلعت فرحانة كومايات..
ست تانية، فاتت عدكان اللحام..بدها وقية لحمة..ب٢٥٠٠..قالتلو ماعندي ميزان بالبيت..والدكتور قلي ماتكتري لحمة مشان مفاصللك..انا لحالي بالبيت وطبختي صغيرة..آخر شي طالعت خمس شقف نايلون شفاف وقالتلو باحتفالية: وهي النايلونات معي مابدي خسرك.. قسملها الوقية خمس طبخات وطلعت كمان فرحانة كومايات …
شفتو طلع الفرح كومايات متوفر بكثرة ويوزع مجانا..
لك افرحوا وكومايات مافي شي محرز والله….
Social Links: