اذا منصور غاب بجسمه. بس هو حاضر فيكم – فايز سارة

منصور الاتاسي

شو يعني اني اصير بمجموعة اصدقاء الراحل منصور الاتاسي؟

سؤال عم يخطر ببالي من وقت فتت على هالمجموعة من يومين. والحقيقة ماني قدران لاقي جواب.

يمكن لاني ماعم اقتنع، ان منصور مات خاصة وانه لسه نظام الاسد ما راح، ولا احنا رجعنا منصور على حمص وانا على الشام حسب ماكان عم يقول كل واحد منا. النقطة الثانية هي هالكم الكبير من الاصدقاء اللي فاتوا على المجموعة واللي عم يكتبوا اشياء اغلبها بتقول او بتأشر ان منصور بيناتنا، يمكن راح مشوار او نايم، يمكن عنده موعد طويل.

لك حتى لو كان مثل مابيقول اسم المجموعة. راح قول لكم. اذا منصور غاب بجسمه. بس هو حاضر فيكم، حاضر بسيرته اللي بتعرفوها وبتحبوها، حاضر بحلمه ورغبته بان يروح على حمص اللي هي مثل رغبتي اني اروح على الشام. اروح ويكون نظام الاسد سقط. وصار في نظام جديد فيه سلام وحرية وعدالة ومساواة لكل السوريين اللي كان بيحبهم منصور الاتاسي