سلوى زكزك

كلنا تعبنا..
بس عجقة الأمهات لتسفير ولادهن جرح ما بينسكت عنه..

ام قالت لبيت حماها سفروا هالصبي
اوبقتله، مكتئب وحابس حاله ورا البواب..
اذا قتلته هو بيرتاح وانا برتاح.

ام عم تبيع حالها بس لتجمع مصاري لتسافر بنتها.

وأم قررت تبيع البيت وترجع ع بيت أهلها حتى يسافروا ولادها التنين..

وشب بيقلك اذا سافرت تاني يوم بيموتوا امي وابي بس بدي سافر..

ام عم تترجى اختها العازبة تسافر وتاخد بنتها معها مشان بعدين تعملهن لم شمل..
لانو ماعندها قدرة تتحمل كلفة سفرها هي وولادها التلاتة..

والبلاد شاهد زور على فراغ رح يبلعنا كلنا ويبلعها معنا.