ألف سبب وسبب بيمنع الأسد ونظامه من الاستمرار

سمير سعيفان

الألف سبب هي الجرائم الفظيعة اللي ارتكبها الأسد ونظامو عن سابق قصد وإصرار وتخطيط وتصميم على الاستمرار لتسع سنوات، وراح يستمر ل 90 سنة لو اتيح الو،

أما السبب الواحد بعد الألف فهوي أنو الشعب السوري تغير وما عاد متل قبل لمن كان شرطي بيكرش قطيع من البشر أمامه.

بدا هاد واضح من 25 شباط 2011 لمن ضرب شرطي سير كف لمواطن سوري فتجمع فورًا آلاف السوريين وهني يصرخو  “الشعب السوري ما بينذل” يومها ارتعب النظام وبعت وزير الداخلية ركض يرجو الناس الهدوء … يومها قال بشار الأسد لقادة الأمن: جهزوا أسلحتكم …

قُدسية حافظ الأسد راحت، محاها مشاهد تماثيلة وهي تتساقط وتركل بالأرجل، و شعار “يلعن روحك ياحافظ”،

بشار ليس له قدسية هوي وريث ضعيف … مضحكة للي ما بيضحك، ..

السوري كسر عقدة الخوف، و تعلم يقول لأ، وتعلم يرد على الاعتداء اللي بيوقع عليه، يعني ما عاد هداك المواطن الحباب اللي إذا انضرب على خدوا الأيمن بيدير خدوا الأيسر، تعلم يرد الصاع صاعين …

والسوري اللي لجأ لبرا سوريا تعلم يمارس كل المحرمات اللي حرمها نظام البعث – الأسد….. تعلم أكثر كيف يقول لأ، أسس أحزاب سياسية، وشكل روابط مهنية حرة وصحافة حرة وجمعيات حرة ونشط في مجتمع مدني حر ومارس انتخابات حرة،  يعني صار موديل تاني … صار مواطن مشاكس ما عاد ينفع مع نظام الأسد… .ولا عاد نظام الأسد ينفع معو …. وبشار الأسد. اللي ما عاد أكثر من صورة ببرواظ صار،.. حتى بالنسبة لموسكو … صار بضاعة فاسدة ، و محتارا كيف بدها تتخلص منو  ….. طبختها لسا ما استوت … وخايفي انها تكون عم تطبخ بحص..