– أبو عبدو ،أمس شعرت بألم في خاصرتي من الجهة اليسرى …
– شوف عدنان، إذا كان جسمك يتحسس من (البالتان) خود إما (الهالدول) أو (لارجاكتيل) …
– بس يا أبو عبدو أنا …
– أوكي، بلا (لارجاكتيل) خود (ألتغريتول) بس انتبه، يجب أن تتوقف عن تناول الكحول …
– يعني بدي أقول …
– لا تفكر كتير، أنا عرفت السبب، هادا نقص الأكسدة، جرب (زولوفت) إنتاج ألفا، غالي بس كويس … – بس … – في عندك كمان (الموديكيت) إبرة عيار 50 ، شرط ما يكون عندك سكر …
– أبو عبدو أنا، أنت لا تعرف …
– صح، تذكرت، مثل هذه الحالات لا ينفع معها (الفاليوم) خود مع (الموديكيت) أي مانع تخثر، متوفر في صيدلية الحكمة …
– ليش أنت عرفت سبب الألم ؟…
– أنت بالضبط شو معك، فين الألم ؟…
– شو كنا عم نحكي ؟…
– على كل حال، إذا لم تتحسن على هذه الأدوية، راجع الدكتور أسعد جابر، أنا أعرفه جيدا …
– بس هادا إختصاصه نفسية !…
– كثير من الأمراض ذات منشأ نفسي …
– و أنا خاصرتي شو إلها علاقة ؟…
– خلص، خلص، بلا الدكتور أسعد، شوف الدكتورة ميساء ………
خبط عدنان يده على الطاولة و استدار ليغادر .
صاح به أبو عبدو : فين رايح ؟
فأجاب عدنان : أنا رايح أشلف حالي في نهر قويق ………
(الله يرحمك يا عدنان شقد كان بالك طويل) …..
Social Links: