بيجوز هالحكي مابيهم حدا بس انا بشوفو مؤشر مرعب

سلوى زكزك

بيجوز هالحكي مابيهم حدا بس انا بشوفو مؤشر مرعب..

كيلو الفستق الحلبي الحب بنص البزورية ٤٠ الف..وكيلو سمنة البقرة الحلوب وفرط من التنكة الكبيرة ١٢ ألف..

الناس عم تشتري ضيافة عينات والشعبي جدا وعبوات بلاتاريخ ومعروضة تحت الشمس..وست طلبت بخمسمية نوع من الزهورات مافهمت عليها اسمو. ما رضي يبيعها لانو الوقية بخمس تلاف…

الزيت اسعاره نار والجوز ب١٢ الف..

حتى  اللباس الداخلي الشعبي جدا والمضروب تحول سعره من ال٣ بألف للقطعة الوحدة ب٦٠٠…

كانت النسوان تستغلي التياب تشتري يا جزدان يا شحاطة للعيد..اليوم كل يلي شفتن اكتفوا ببكلات للشعر وكم مطاطة وقلم كحلة او حمرة طالعة ريحتن يعني خالصين عن البسطة..

القصة مو قصة ضيافة عيد  وواجبات..القصة انو الرقم يدعو للرجفان.. نعم نحن ترتجف من الرقم..والبطون تكشفت وتقشفت وانطوت من الجوع من زمان..

ويا عيييييييييييييييييييييييييييييييد