من فترة من كتر ما نق عليي إبن خالتي هاد إلي بيشتغل في الإغاثة قال خال أبو رفعت مابتروح معي على تركيا كام يوم بتشم الهوا وبتشوف تركيا قلتلو تركني منك بقوسوني عالحدود قلي معليك معي كرت مندخل من المعبر المهم لعب فعقلي ورحت معو .
ياجماعة العيشة في تركيا مملة صرت كل يوم أطلع من الصبح أفتل في هالشوارع وأتفرج عجزت لشوف فيها جورة محفورة في نص الشارع مليانة تنك فاضي وكياس نايلو وكلاشات عتق او في كومة رمل يبسانة قدام شي دار في نص الطريق أو أني شوف مكتوب على شي حيط بخط مفشكل القابلة القانونية ليلى دحدح وسهم أحدها أو لاتشخ هون ياإبن القحبة أو حبيبة وائل أو اني شوف حاوية حواليها قلاب زبالة والدخان طالع منها أو شوف أربع خمس عجان راكبين على جحش مقصوصة دانو وعجي عبشد في ديلو أو شوف قط معجوق عجق من القتل ومربوط في ديلو سردينة فاضي أو شوف تلات شباب طنطات عبيضحكوا وطايرين على موتور من غير مدخنة أو شوف سيارة بدون لوحات وراكبين فيها شوية أزعرية ومشغلين المسجلة على أعلى صوتها وحاطين غنية طالع صدرك يابنية طالع نصو أو شوف نسوان عبتقاتلني وحدة عبتصيح على طول صوتها وعبتقول لهديك ولك تركي شعري يامن….كة أبو علاء وهالنسوان والعجان عبيتفرجوا من شبابيك الحارة أو واحد شالح في الزلط و فاتح سكين كباس وهالناس عبتحجزوا بدو يبعج واحد ليش طرشو في السيارة أو عجي سايق تركتور ووراه ترلة وطالع فوق المية وعبدخن وبيكسر على الخلق أو شي قرنة قريبة على السوق بشخو فيها العالم والشخاخ موصل لنص الشارع أو شفت حرمة عبتستنى الباص وحواليها أربعين أزعري لابسين بناطرين سالتة ونضارات شمسية وحاطين جل على شعرهن وبدهن يطبقوها أو شفت أربعين موتور وبسكليت رايحات جايات وعبشببوهن قدام مدرسة بنات .
أنو كيف هالأتراك عاجبتهن هالعيشة مافاتت في راسي شعب ماعندو أدنى مقومات الحياة العصرية .
ما إرتاحيت لرجعت لحضن الوطن . . .
Social Links: