يافرات .. د.تركي درويش (سلامة)

على شطّك زرعْت آمال

زرعت الرّوح باجروفك

زرعت احلامي مِتوَجعة

تهيم تناغم اطيوفك

رمتني النّسمة ريّانه

رمتني بغربتي عطشان

وانا الهايم أجر ذاتي

أجر حلمي

يتيهن كل نجوم الليل و

اضوّي احزاني باشموعك

خذيت الذكرى والنّاموس

سقيت اشجاني متوتره

على ذيچ السواجي تصيح

شَدُو الهوسات بادروبك

غفت عيني بحلم راجف

رمدها حدني حد الشوف..

تداوي اجروحي عالواقف

وتمد الساقي من روحك

تذوبن بي خوابي الموج

واذوبن بيك رمل ناشف

يها الاسرني باسرارك يها الصافن على همومي

اهيمن فيك

واصافح من فداك بيوم بوجه من بايع الباعوك

اقولن إنت من روحي واصيرن مرهم اجروحك

فراتي شقد عشقت اللون

مرّة بجوفك الصافي

ومرة بلونك المحموم بلون النازف

الغافي

وشجاعة ْثاير تهنيك دفع روحه لعمد دنياك

وفدى احلامه ذبيحن صاح

لا طاغٍ سقاه الموت يفوتن يمنع ادفوكك

حسافه

الحرروا اترابك

وحسافه

داعش اتدوسك ..

……د.تركي درويش (سلامه)…