مابچيتك (فراتي) – د.تركي درويش (سلامة)

 

 

ما بچيتك يوم

يالخافي الدمع

 دمعك سخي ناطور

 نافورهْ ابّحر 

مثل اليناطح  ريح

بضيعان  الدرب

لا لملمته الگاع ولا ضيّه انتحر 

كتّت سواجي جروح

من ذاك الوقت 

مثل الكحل لوساح

ومن رمشك كسر   

قلّي انطفى الساجور مني ومن هلي

ريت ارتوى الخابور ومن روحي عبر 

شطي وخوابي الماي

سرّي وسيرتي

 مثل السمك مزهور

باشباكي عثر 

طاف  العتب جالماي

من الفيض المضى

مثل الزبد منثور عالشاطي خُمر 

لا بچيتك ريح ولا نوح السفن

ولا خوابي الغيم

ولا لمّة خفر

شوگي إلك مرهون

ضيعان القلب لو لملمتك قلوب

باحطامي سفر

مابچيتك يوم رابطني العشق

أنطر أنا محيّاك

 ومن شفتك خبر 

وانت الشهي بدنياك

 أتبع حيرتي

مثل اليزِت اشباك 

وكل صيده رحل    

روحي جسر ممدود

أعبر  ميتك

وارمي الهجر من شوك 

 والعابر   ظفر

فاحت عطوري وياك

عطشانه إلك

ياهو فرح  ملقاك بكل

حزني المضى

ما بچيتك يوم ولا جنحي انكسر

 

فراتي 

…سلامه.