ابو الميز الديري ــ سلامه درويش

صديقي ابو الميز على طول مسلطن، بعد طرد المخابرات من الدير،، توفر الحشيش،، ويقول (والله كيفنا بهالثورة)،، صار ثوري ، ووقت تحولت الثورة للتسليح صار مع الحاملين سلاح وكان حظو مع جماعة الاخوان والعرعور ،، المهم عطوه باروده وعشر طلقات وحطوه بخط التماس مع النظام،،، قال الو الامير

– ابو الميز اذا اجا احد خبرنا دير بالك يابطل ،،،،،

لكن ابو الميز باع الطلقات واشترى حشيش ،، وهو مسلطن كل يوم يسمع الجماعة يقولو :

( العرعور والعريفي بيقولو ان الله ارسل الملائكة يقاتلو مع الديرية)،وهو يسمع ومبسوط

في مين يقاتل بمكانه ،اليوم الثاني هجمو الشبيحه، وصار الدهل والصواريخ، والقصف،، دخان، وهو قاعد مسلطن وجماعتو يصرخون الو ابو الميز اهرب اجونا،،،

ابو الميز: ياجبناء انا ما اهرب عجل ليش الملائكة وعرعور ، هم يدافعو عنا،،،،

بعد ساعة وهو قاعد مسلطن ورامي البارودة جنبو ومرتكي عالحيط ومادد رجليه ومرتخي ،،، ما حس الا البواريد محاوطتو،،، فرح ابو الميز ( هاي رجال الله اجو ،)

ابو الميز: يا هلا بجنود الله ياهلا بالملائكة انا اعرف انو العرعور مايكذب،،،

– خراس ياكلب، نحن جنود الاسد،،

ابو الميز : اي هاي شكون اسد وما اسد لاتمزحون معاي، انتم رجال الله،،،

مع رفسة وكف،، صحي شوي وطلع عليهم وقال :

– هاي شكون ليبسين مموه الملائكة مو هيچذ يا الله،،،

رفسو شيخ الشبيحة،، ولك ما عرفتنا؟

ابو الميز : طبعا عرفتكم، انت عزرائيل،،، ابوس ايدك لا تاخذ روحي ما عاد حشش،،،

ضحك الشبيح،، اي نعم عزرائيل واسرافيل كمان ، راح اخذ روحك ياحقير ،،،

ابو الميز : دخيلك ياعزو خذ روحي وانا مسلطن منشان ماحس ،،تسمحلي اخر سكاره ،،

ولك سكارة شو،،

– ابو الميز : ملغومة سيدي حشيش،،

اخذها الشبيح شعلها ،دخن نصها، نشع، قال للعسكر لا تضايقونه خذوه عالمطار،،،

..يقولون حطو ابو الميز عالباب الرايح والجاي يرفسو،،

وهو يسب عالعرعور لاخر نفس بحياته،،،