البحث عن السكس .. أو ورطتنا

الخال أبو رفعت – كفرنبل 

في ختيار متل حكايتي أين ماقعد إن كان عند بيت إبنو أو بيت بنتو مايشوف إلا هالشباب ماسكين هالهواتف ليل نهار سألهن أنو مابشوفكن إلا ماسكين هواتفكن مع مين عبتحكوا قالولوا ياحجي فاتحين عالفيسبوك قلهن أشو هاد الفاسباك قالولوا برنامج للأصدقاء وفي أخبار ورياضة وكل شي ومنشوف هالدنيا أشو فيها قال لحالو أحسن ماني عبمضي هالسهرة ساكت وماحدا عبيحكي معي لأشتري هاتف وأعمل متل هالخلق والله من الصبح راح إشترا هاتف نت ثري وقال لإبن إبنو عملي فاسباك ولاك قلو تكرم ياجدي والله عملو حساب وحطلو إسمو وصورتو وضفلو كل هالضيعة عليه وعلمو شوي عليه وعطاه إياه وصار هالختيار أين ماقعد يفتح هالجوال ويتصفح لمرة كان قاعد جنب إبن بنتو عجي ملعون شاقق الأرض وطالع ومعو جوال طلع هيك شاف العجي عبيتفرج على صورة بنت بتاخد العقل قام الختيار قرب على دانو وقلو ولاك كيف الواحد بيطالع صور نسوان قام العجي صار يعلم جدو وقلو ليك ياجدي بتكتب هون كلمة بنات جميلات أو أي شي وبتكبس هون عالبحث بيطلع عندك أشكال ألوان قلو جدو أي أي خلص عرفت ولاتحكي لحدا ولاك بتفضحني قلو ماشي ياجدي والله هالختيار راح على البيت وقبل ماينام فتح هالفيسبوك وكتب “سكس” وبدل مايحط الكلمة على البحث ” فوق ” حطها مطرح النشر ” تحت ” وكبس نشر وصار يستنى وبلشت هالإعجابات تجي وهالتعليقات هاد يضحك وهاد يكتبلو مهو هون ياجدي مهو هون فوق فوق وهوي مابقى يعرف يعمل شي إنفضح فضيحة ماأجى إبن بنتو لعندو عالدار ومسح البوست إلا كل الضيعة شافتو وضحكت عليه .

ونحنا صار فينا متل هالختيار شفنا هالعالم عملوا ثورات وصاروا فوق قمنا عملنا ثورة وبدال مانصير ” فوق فوق ” صرنا ” تحت تحت ” وصرنا فرجة للعالم . . . .