التحضيرات لاستقبال الضيوف ــ الخال أبو رفعت – كفرنبل

أهالي الوعر والقابون وبرزة إلي جايين على إدلب أهلا وسهلا بكم لاتاكلوا هم السكن أبدا سكنكن جاهز وإذا سمعتوا أنو آجار البيوت بالدولار ترا هاي إشاعات من أذناب النظام والرجعية وهلق المجالس المحلية والجمعيات الخيرية عاملين خلية نحل وعبجهزوا البيوت والمطابخ وترا عند مابتوصلوا إذا شفتوا كتير حواجز ملثمين ترا هود منشان إستقبالكن وحمايتكن لاتفكروا عاملين كمين لبعضهن لاسمح الله وإذا مر بيكاب حديث طاير من جنبكن بكون معو إسعاف جريح من المعركة مهو تفكروه عبشفط وقليل ترباية وإذا شفتوا عالطريق أرتال دبابات ومضادات رايحة جاي ترا هود رايحين على معركة الساحل لاتفكروا بدهن يقشوا بعضهن أعوذ بالله وإذا سمعتوا كل شوي إطلاق نار كثيف جدا ترا هود إحتفالا بوصولكن مهو تفكروا حدا شال حدا ولا تتفاجئوا من الكل ليش مربين دقون ترا عنا الدين شغلة لاتوصف وإذا سمعتوا كل شوي عالقبضة العثور على جثة مجهولة الهوية ترا هاد مخبر للنظام قتلو الشباب مهو تارات شخصية بعيد الشر وإذا فجأة سمعتوا صوت إنفجار قوي ترا بكونوا الشباب عبجربوا قذايف جهنم منشان معركة الفوعة لاتفكروا مفخخة على مفرق حيش . وإحتياطا ولا تسألوني ليش إذا سألوكن على شي حاجز أنتوا مع مين قولوا نحنا ورشة لحواش الزيتون