Adnan Ghareeb
كتب السيد
صباح الخير دولة رئيس الوزراء عرنوس
إن شاء الله يكون الوطن وانت بخير!
عمي..
انا عندي عيلة وماعم اقدر طعميها
شو بتقترح دولتك؟؟
اقرأ لها مقاطع من بيان عن تأليف اللجنة الاقتصادية اللي حضرتك امرت بتشكيلها..؟؟ ولا أتلو امامها قصار السور من الذكر الحكيم..؟؟ ولا أسمعها مقاطع من خطابات الرفاق بمناسبة التضامن مع الشعوب الافرو اسيوية مع فنزويلا وكوريا الديمقراطية؟؟
مو زابطة
طيب بسمعها اغاني وطنية وحماسية..
لما ييجي صاحب البيت اللي انا ساكنه يطلب
اجرة البيت؛ شو قلو؟؛
بوقف قدامه وبغنيلو: مــوطــنــي، مــوطــنــي
الجـلال والجـمال
عمي .. ولما بدي روح اشتري ربطة خبز، وما معي ادفعله
شو اعمل؟
شو بتقترح اي اغنية وطنية غنيلو
عمي…
ليش كل ازمة بتعصف بهالوطن وما اكثر أزماته ولازم يدفع ثمنها الموظف الغلبان ولا العامل المسكين وليش ما منشوف أصحاب الامتيازات معنا في نفس خندق المعاناة!
عمي عرنوس:
رواتبنا يا دوب تكفي خمس أيام لأنه كل شي بيرتفع سعره عندنا الا الانسان عم يرخص واذا طالبنا بزيادة راتبنا اللي هوي حقنا الطبيعي والقانوني والانساني، بنصير طابور خامس!!!
عمي:
الناس اللي بطالبونا نجوع من أجل الوطن؛ امتيازاتهم بتعيشنا، ونثرياتهم بتشبعنا بتتنقلوا بمواكب فواتيركم مدفوعة سفرياكم مغطاة وإجارات بيوتكم مدفوعة او هي ملك.. يعني بالمشرمحي مانو محتاجين الراتب ويمكن تصبروا سنة بدون رواتب مو فارقة معكم وهاد الحكي منك وجر
يعني…
هم يطالبونا بالجوع منشان الوطن يشبع
والسهر منشان الوطن ينام قرير العين
والموت منشان الوطن يعيش
عفوا مين هو الوطن؟! شو يعني وطن؟؟
عمي عرنوس،،،،
المواطن بده اكل مشان يقدر يعيش .. بهالوطن…
فهمت ولا لسا؟؟؟ نعيد
Social Links: