الخال أبو رفعت – كفرنبل
وقت قعدت في صف الأول صرت أين ماروح شوف صورة حافظ الأسد في وجهي في المدرسة وعلى الحيطان وفالتلفزيون وعلى الكتب ولمرة أنا كنت فالبيت قلت لأبوي بابا مينو هاد ..؟؟ وأشرت على صورتو فالكتاب . قلي ياإبني هاد واحد مابتعرفو أشو بدك منو قلتلو أي مينو قال بصوت عالي ولك واحد أشو بدك منو وطلع خلقو مني قمت سكتت مع زعلة بعد شوي كأنو قال ولك خاف هالعجي يزحطلو في كلمة قدام حدا بيروحنا والله ومنشان ما أسأل حدا غيرو ويصير سين وجيم .
حط إيدو على كتفي بكل حنية وقلي بصوت واطي ياإبني ترا لاتحكي على هاد . هاد ” ربنا ” بس لاتقول لحدا ولاتحكي عليه بموتك .
قمت ضليت لصف السادس وأنا صلي لحافظ أسد .
مبارحا كنت عبتصفح الفيسبوك وإبني رفعت قاعد جنبي مرقت صورة الجولاني قام رفعت سألني بابا مينو هاد ..؟؟ . . . .
Social Links: