دزّيت إلك كل الرسايل
وعلبةْ الكبريت وشويَّة حبر
دخّنت الك كل السجاير
واحترق سنسول قلبي
وماشفت منك خبر
اتباعدت عني الخطايا
مالقيت الا لوعات القلب
وضي شمس ناموس للعابر فخر
تنهّد قليبي عليك
واختزل كل الحكايا
حت مواويل الحزن خلّاها تبكي
لافرح مكتوب باحروفك غزل
ولا عشق من فاض باكبودي نهر
مادريتك
تهيم يَمْ ذيچ السحب
بخيمة محبين ناطر تنتخي
صوب الحچي منثور
باجناحك لهب
كنت الشهب بالليل
تنشر طيبتك
فاض الحچي
ومات الحچي
مثل القبر مهجور
وللميّت حطب
تسائلت
منهو اليدلني بغربتك
منهو الك
منهو اليضمني بسيرتك
يابو غزل مكسور
عالضفة وعبر
انت الي حكايات عداها الزمن
تمر حلم غرقان من كثر الدمع
مثل الغوازي بليل مامرها ذكر
انت جرف مكلوم
دونك حوبتي
وانت الي ميمون وقليبك وطن
تبقى حبيب الروح
يالوافي الوفي
قلبك عالمحبين وعالبايع خطر
Social Links: