العقيد سيرغي ممثل مركز حميم “للمصالحة” في الوعر لمقابلة الأهالي ــ أحمد الحمصي

الضامن الروسي لاتفاقية حي الوعر المحاصر المتمثل بالعقيد سيرغي ممثل مركز حميم “للمصالحة” اجا اليوم مع اللواء حسام لوقا لمقابلة أهالي الوعر عند الجنائية

طبعاً الروس مع النظام عاملين نفسهم متفاجئين بعدد الناس اللي عم تطلع بدفعات الخروج من الحي إلى جرابلس وادلب

بالبداية العقيد سيرغي حكي وهو متفاجئ ,ليش عم تطلعو من الوعر مين ناطركم بجرابلس نحنا بدنا تضلو بالوعر ونحنا ضامنين لأمنكم وما راح نسمح لأي احد ان يقترب من الحي

بعد ما خلص صارت الناس تسألو عن المعتقلين عن اولادهم المفقودة عن بيوتهم اللي تدمرت

سالتو أنا, اذا انتو الضامن الروسي بتعرفو منيح مين مسيطر على حي الوعر وأنتم من قلتم للجنة التفاوض ان الوعر تحت سيطرة المعارضة المعتدلة ولا يوجد متطرفين لماذا مصرين على تهجير اهل الوعر

جوابو كان ,الدولة السورية لا تسمح بأن يبقى الحي خارج شرعية الدولة

رجعت سألتو ,القسم الأكبر من الشعب السوري لا يعترف بشرعية الدولة هل ستهجرون الجميع

سكت وانتقل ليجاوب على شخص تاني