ذكريات ..

الخال أبو رفعت – كفرنبل

بتتذكري يا  أم رفعت وقت كنت أجي ناح داركن والدنيا برد والهوى بقص راس البسمار وضل روح وأرجع لحتى ألمحك من الشباك وآخد نظرة من عيونك الحلوة .

أي بتذكر كنت متل القرد إلي قاتلو صاحبو ….

وبتتذكري وقت رحنا سهرنا عندكن أنا وأمي أيام الخطبة وسلمت عليكي بالأيد قمتي خجلتي وخدودك صاروا حمر متل الدراق .

أي كيف لكا مابتذكر ….

طيب أنت بتتذكر ياأبو رفعت قبل ماخطبتني وقت أشرتلي وأنا عبنشر الغسيل عالسطوح قام شافك أبوي ونزل لعندك عجقك عجق وطرقك كفين أصعب من فراق الوالدين وشفاتك صرني متل شفات ياسين بقوش .

آآآه …… لامابتذكر أيمت هاي صارت ….

ولك آآآخ أنت متلك متل علاقة العرب مع أمريكا .

بتتذكر النظرات والتلحمس بس العجق والضرب والرفس بتنساهن