الأخوين فلتة – الحلقة 2 – أسد القصار

لحية !!!
فلتة1: خيو ..
فلتة2: نعم
فلتة1 : زهقان وبدي غير جو
فلتة2 : المنقل جاهز والمدة والبسطة عالبسكليت لعيناك
فلتة1 : سمعوا هاد انا بقلو بدي غير جو وهو بقلي مدة وبسطة وبسكليت !
فلتة2 : شو بدك لكن .. لوين بدك تطش ؟
فلتة1: بدي روح عسوتشي بروسيا.. كفو؟!!
فلتة2 : ابووووك يالمشوار .. روسيا فرد طقة؟!!
فلتة1 : لكن عطقتين .. اي فرد طقة
فلتة2 : انا معك عالموت مو مشكلة .. بس شلون بدك تروح بر اما طياران ؟
فلتة1 : لاهيك ولاهيك
فلتة2 : شلون لكن ؟
فلتة 1 : عاللحية
فلتة2 : لحية ..؟!!! شعر ودقن شو هالحكي .. شو انهبلت ؟
فلتة1 : لاء .. افحمك ؟
فلتة2 : تفضل
فلتة 1 : انا بربي لحية وبلبس طاقية بيريه سودا ولحشة حمرا وبدحش بتمي اصبع قرفة عاساس سيجار كوبي
فلتة 2: اي ؟!!
فلتة1: وانتا بتربي لحية لا طويلة ولا خفيفة وبتلبس بنطلون لتحت الركبة بشوي وبتحمل مسبحة بايدك.
فلتة2 : اي ؟؟!!!
فلتة1 : وفي شعب معتر ومسخم وعنياتو ما بدو من الله غير شوية كرامة وحرية وعم يموت كل يوم يا بالقصف يا ببرد المخميات .
فلتة2 : اي؟؟!!
فلتة1 : بنطلع انا وياك وبنستغل هالشغلة وبنسب النظام شوي بنتمسك فيه شوي المهم ما يبينلنا موقف ولا ينمسك علينا خيط .. و خلص .. بهيك بنكون ضمناها لسفرة موسكو
فلتة 2 : ظريفة هاللحية
فلتة1 : بدك تحكيلي عنا قديش ظريفة؟ .. معلوم ظريفة .. ست سنين ايدا بايد هالنظام روحت مليون وحبست مليون وهجرت عشرة .. اكتر من هيك ظرافة الله ما خلق !