يوميات دمشق

سلوى زكزك

– قلو وحدة دبل..طلع الدبل رغيفين خبز..والحشوة ٣ قراص فلافل وشوية حشيش..وشرب كاستين مي قبل السندويشة مشان تتعبى معدتو وتشبعو السندويشة..

– نص كيلو عجور..وماكانت تزبط الوزنة..وهي معا بس مية ولا بترضى اقل ولا بترضى اكتر..لدرجة البياع قلها هي خمسة ببلاش والله معك…

– بياع سائل الغسيل رجع ع جسرين..شفتو جاية يسلم عصحابو..قلي امانة تروحوا لعنا بجسرين.خير كتير..دمعت عيني وحسيت بالخسارة..قلي رجعنا لبيوتنا وكسبنا هون انو تعرفنا عمعدن الناس الطيبة ودمعت عينو..طالع من جيبتو مشمشة وقلي هي من شجرة البيت وفاحت ريحة الغوطة ورجعت بكيت وهو مشي وقلي لا تعذبيني ماعاد بجي لهون ابدا…

–  صبية يادوب ١٥ سنة حاملة ببو صغير كتير وعم تشحد..بدها حق الحليبات لابنها..ست قالتلا بتخلفوا ومامعكن حق حليب!ردت الصبية وقالت بس اتجوز ع كيفي بحبل ع كيفي.

هنا دمشق…سوق الطبالة…