علي صقر
… كأنّه عمّ يحرّك إيده… لا… راسه.. عم يرقص .. بلش يخربش ع كل حيطان البيت .. الجيران .. وصّل على الحارة التانية.. خربش ع رمل البحر.. وصل لساحة البلدية .. طاردوه حراس الأمن العام…طلع بالسرفيس… نزل ببالوعة الحمام …..
إبهامه اللي ما بَصَم فيه طلع كله بحنفية الغسالة
قلبه حطوه بغسالة الأوتوماتيك.. أبيض أبيض
لمّوه قطعة قطعة و نشروا عرضه وحطوه بكيس أسود و رموه ببالوعة المرحاض و بجورة تجميع وسخ المراحيض كان متل السعدان عم يسبح مبسوط حاطت
نظارات,,, عمّ يخلع تيابه… قلع قميصه… كرافاته… بنطلونه… وصل ع سرواله الداخلي .. خلع قلبه فقأ عيونه بقر بطنه بتر يده اليمنى و بلّش يشحد بإيدو اليسرى شال إجره اليسار و زرعها بقلب الجور وبالإجر التانية ضرب شرطي المرور
دخن سيكاره طويلة……. سعل……. تقيأ……. شتم….. قبلني بتمّي…. تلوّت بالحمرة
مسحن بكمه…. حلق ذقنه….. سرّح شعره
بوّل بمغسلة المطبخ…… فرشا سنانه
سكر الباب وراه راح ع البحر ..
رجع بوجه الضو .. وجه أصفر.. نفسه ضيق…… عم
اسمع هدير بداخله…. براكينه عم تتفجر
لا لا هي أصوات عصافير… أصوات صيادين….عم يقتربوا.. عم يرتفع الموج أكتر….. طلقات حية و خلبية
أصوات كرابيج رباعية… و لك هات نفسه……
قبلني بتمّي تلوّت بالحمرة.. مسحتن بتمي .. وراح بوحه الضو …..
Social Links: