من حوارات منكوب و منهوب – عمران كيالي – زاوية أسبوعية

من حوارات منكوب و منهوب

….. منهوب : شو رأيك نحكي اليوم بالعامية ؟

 .. منكوب : إي و الله جبتا يا منهوب ، بلا فصحى بلا بطيخ ، بس على شو بدنا نحكي ؟..

منهوب : عببأوول أنحكي على نواع الكبب ..

منكوب : لأ دخيلك من غير شي نحني جوعانين ، و بعدون أكلة كبه ، حييالا كبه ، صارت تكلف بهالأيام ألفين ليره بالميته ..

منهوب : صحيح يا منكوب .. طيب تعا نحكي ع المحاشي ..

منكوب : لوك ، هيي هيي ، نفس الإصه ، دور على شغله تانيه ..

منهوب : م م م م ، طيب تعا نتحزر ..

منكوب : إي و الله كويسه هالفكره ، بدا إنت ..

منهوب : شو هووي أكبر حيوان فلعالم ؟ ..

منكوب : الفيل ..

منهوب : لا ما حزرت ، الحوت الأزرء ..

منكوب : الحوت الأزرء سمكه ..

منهوب : لك جدبه ، الحوت الأزرء حيوان مو سمكه .. لأ سيدي سمكه ، و بعيش بلبحر ..

منهوب : صح بعيش بالبحر ، بس هو حيوان مو سمكه ..

منكوب : بتريهن ..

منهوب : إي بريهن ..

منكوب : من إيش لإيش ..

منهوب : من كف لكف ..

منكوب : لأ ، بلا ضرب ، خلييا من سيكارا لسيكارا ..

منهوب : بس أنا ما بدخن ، خلييا على كيلو حلاوة الجبن ..

منكوب : موافىء ، بس لمين بدنا نسأل ؟ ..

منهوب : تعا نسأل استاز المدرسه ..

منكوب : منسألو بكرا ، بس هللأ إللي شو هووي أعلى برج فلعالم ؟ ..

منهوب : برج إيفل .. منكوب : لأ مو برج إيفل ، برج الإذاعه في موسكو ..

منهوب : لأ سيدي برج إيفل ..

منكوب : لأ سيدي برج الإذاعه ..

منهوب : لأ سيدي :

منكوب : كمان بكرا منسأل الإستاز ..

منهوب : طيب ، سؤال أخير إلك ..

منكوب : هات يا منهوب ..

منهوب : إزا فرضن ربحت بليانصيب مليون ليره شو أوول شي بتعملو ؟ ..

منكوب : أوول شي بطالع تأشيرة خروج و بسافر لبررا ..

منهوب : بتسافر و بتتركني هون لوحدي ؟..

منكوب : إي لكان ، إزا رحت معي ، مين بددو يسأل الإستاز بكرا ؟!!