مابجيتك (فراتي) – د. تركي درويش (سلامة)

 

 

ما بچيتك يوم

يالخافي الدمع

غرقت سواجي الضيم

 بشرياني نهر

مثل اليناطح  ريح

بضيعان  الدرب

لا لملمته الگاع ولا جرفه انتحر 

فاضت سواجي جروح

من ذاك الوقت 

مثل الكحل لوساح

ومن رمشي حدر   

قلّي انطفى الساجور

 مني ومن هلي

ريت ارتوى الخابور

 ومن روحي عبر 

شطي وخوابي الماي

كوخي وحارتي

 ناحت مثل مزهور

باشباكي عثر 

طاف  العتب عالروح

من الگيض المضى

مثل الزبد منثور عالشاطي خُمر 

لا بچيتك ريح ولا نوح السفن

ولا خوابي الغيم

ولا لمّة خفر

شوگي إلك مرهون

بضيعان القلب لو لملمتك قلوب

بادروبي سفر

مابچيتك يوم رابطني العشق

أنطر أنا محيّاك

 ومن شفتك خبر 

انت الشهي بدنياك

 أتبع حيرتي

مثل اليزِت اشباك 

وكل صيده صخر    

روحي جسر ممدود

أعبر  ميتك

وارمي الهجر من شوك 

چالراكب بحر 

فاحت عطوري وياك

عطشانه إلك

ياهو فرح  ملقاك 

حزني وحيرتي

ما بچيتك يوم

 ولا جنحي انكسر

                   …

…سلامه..