..حنظلة الجرد
أنا بحط ّ الحق عليك. وأنت عم بتحطو عليي
أنا قلبي محروق عليك. وأنا متلك رايح ضحّيه
القصه كلاّ كذبه كبيره. والحرب مو طائفيه
عشنا سوا وبدنا نعيش إيدي بإيدك يا خيي
حزبي وحزبك. سوريا من درعا. لا. المالكيه
ومن البحر السوري الحر ّ حتى حدود الهاشميه
التجار اللي عندي وعندك. هنن جابو الوهابيه
مصيبتنا تجار الدين. و البعث والرأسماليه
أبنن سافر مع أموالو. وقضو عا الليره السوريه
كلو ّبيتاجر فينا. ودميّ ودمّك. راحو هديه
هنن برا متفقين ونحنا دبحنا عا الهويه
سوريا بأسم الكل ّ يلا ّ نبني جمهوريه
نحنا الحاضر والتاريخ نحنا حروف الأبجديه
التركي بيتاجر بالسنّه. والإيراني بالعلويي
والغرب عم يتآمر لا تهجير. المسيحيي
علوي وسنّي بدنا نعيش شيعه دروز إسماعيليه
لا أمريكا ولا روسيّا مانن جمعيه خيّريه
المحّطا ت الإعلاميه مرتبطه بالماسونيه
ببيروت وجدّه وطهران. والجزيره القطريه
لا تفتكرو عنّا حل ّ غير بدوله علمانيه
Social Links: