عنا بالحارة ثعبان
عماد فجر بعريني
عنّا بالحاره ثعبان
مخوّف سكّان الحار ه
طولو بيطلع شي مترين
. والناب تخن خياره
وعليه رقبه يخزي العين
وبيسافر بالطياره
شافوه الناس من زمان
بيتو بقلب مغاره
بياكل بالوقعه فدان.
وبيرقص عا الهواره
العالم من اسمو بتخاف
الحاره صار بدّا نطاره
قالولي حالو ميسور
. وعندو عا البحر عماره
عا ذمّة اللي شافوه.
بيركب أحدث سياره
قالو لونو أسود غطس.
جاب لا حارتنا النحس
تنظيمو بحزب البعث
ومدير شبكة دعاره
في عالم قالو بيطير.
وسيفو متل سيف الزير
بكرا إذ صار التغيير
رح يستلم وزاره
بيقعد مع كل الحكام.
وبيحكي عنو الإعلام
بيتبع لدين الإسلام.
من طايفة الهزارا
غيّر جلدو بالأحداث
وصار يحاضر بين الناس
قالو جدّو بو العباس
وبيشبه بسام جعاره
وبيملك حاره بالشام.
مدخولو من النفط الخام
عندو قصر بكفرام
ومزارع شرقي قاره
وبأبو رمانه. كرخانه
من المسؤولين زوّارا
خوفي يقوم يزعل مني
رح تشمت فيي بمنه
أقضي عمري بالأدغال
أو بقلب النظاره
Social Links: