ياخيمة محبين
يا حور النهر
قلبي الچ ملتاع شيّلني الحزن
ياوردة من جسرين خاواها الصدى
تسكن بيابي العين
وللمّه تِحِن
يؤسرها نبض الروح
نار وتستعر
بجوف الصدر محبوس
والحابس وطن
لا زَمها صوت الناي باجروفچ صدى
ولاشمها من رادوچ ولا لمها الشجن
لميت الچ عشاق تحمل فرحتي
تنقل خبر للروح
راية ونمتحن
دزّيت الچ عبّار شايل غربتي
مثل الغريق يصيح لكل شاطي يحن
حَطني بسليل الماي
عشّاق انتخي
جوني رعد چالغيم
بگيعاني نهر
إنتِ الحلم نبراس تضوين بهلي
مثل النجم مغروم
لايامي المضن
وآنا بتوالي الروح
تحسبها إلي
ٱعزف وفا محبين
لكل وافي لحن
عديت إلچ رايات
بالصيف المضى
فوق الجسر مكلوم
طاح بحيرتي
شايل قهرنا يلوم
وبكل حسرة يوّن
إنت بتوالي الليل روحي وعزوتي
كل القرايا تصيح باشموسك حُسن
ٱنثر عبير الدير ديري وافتخر
ٱنثرها للاجيال
واكتبها بنذر
ردت بهواها نصير موجة بكل مدى
تلطم جرف هيمان بكل روجه خبر
هذا عهد مكتوب ٱنصر ديرتي
ثاير على الايام والناصر بشر
كل من يثور اليوم
عالظالم خوي
وكل من يحب الدير
باعيوني النظر
لا همنا جور الضيم
أنطر ناصري
ولا حيرة المهموم يحملها قدر
ولاجارچ المكلوم قادر يرتوي
وقت ن يدب بالماي
سنسوله انكسر
ياخيمة العشاق انت بكل قضى
منچ عشق مضيوم
لكل عاشق عثر
….سلامه….
Social Links: