……فراتي….
علّيت بيبان القلب
إلاّ ميراث الحزن حيران
ماينفتح بابه
وآنا على بابك منتظر
تنثرني عيد
تكتبني كلمة بدفترتك
ترسمني مكسور الجنح
يالْطيفك فرح ناطور
من يُحرس احبابه
كفكِفني باحزام الگهرموعود وشوقي يلملم احچايات
يسهر عليها بكل گرايا انجوم
يرسل عشق لو فاض
يملا البراري بلهفة المغروم
طيّبة وصواني معطره اترابه
يامحمّل مزن چالغيم
تسبّح عطايا هموم
من تنسج فرح رايات
بعز الحلم موسوم
غيم وثمر غابه
انت بمزايا الروح
وروحي الخيّمت نيشان
باحضان السُحب
تحرس أنيني الصّاحبك
مخنوگ منهو الغرّقك
مشنوق بادمعوع ّالوقت
ناح الدمع مكلوم
من فارق اصحابه
رديت إلك شاطي الحزن
وشاطي الفرح مقسوم الك
والميّه تحمل هودجك
هوّ النصيب الواعدك
جوعان لاحضين الدفى
ملعون ياطير العشگ
غيران من جابه،
…..سلامه….،
Social Links: